PARADOXO

"Flexible, Invencible"
-A Filosofía de Paradoxo-

Paradoxo é a suma de profesionalidade e coidado do trato ás persoas que acoden ao noso centro. Consideramos que unha atención de calidade pasa por unha axeitada formación e reciclaxe constante das especialistas que traballan en Paradoxo, aínda que, sen dúbida,o que nos diferencia é a calidez e proximidade no trato.

A eficacia do noso traballo reside na empatía cara ás persoas, facéndoas sentirse: escoitadas, cómodas, comprendidas e con liberdade para expresarse.
O noso traballo guíase por unha orientación sistémica, que nos achega unha visión holística e integral das persoas que acoden a nós e das súas circunstancias, o que posibilita un tratamento individualizado.

A visión positiva dos nosos clientes, como persoas que posúen recursos e o seu propio potencial, permítenos realizar un traballo terapéutico no que as persoas descobren ditos recursos de maneira que os potencian, chegando así a converterse nos protagonistas dos cambios que desexan nas súas circunstancias vitais.